46岁韩国女星高贤贞离婚后 仔女近况曝光

‍ 

近日正忙于拍摄新片《比老虎还可怕的冬季客人》嘅46岁韩国女星高贤贞，于1995年与韩国新世界百货公司副总裁郑溶镇结婚，两人育有一子一女，不过高贤贞惨被郑溶镇家族成员排挤，两人最后于2003年离婚收场，而高贤贞获得15亿韩圜赡养费，但就冇咗一对子女嘅抚养权及亲权。

不过上周五播出嘅综艺节目《星星Talk Show》中，就公开咗高贤贞一对子女嘅近况，引起外界关注。节目当日播出嘅男人的资格-郑溶镇副总裁嘅特辑中，就公开咗一对子女目前喺美国留学嘅事，有份演出节目嘅金泰贤表示：已经18岁嘅细女系Instagram红人，会与追踪佢嘅人交流代妆品。

而当日有份演出节目嘅评论家就公开同高贤贞细女嘅对话，该评论家表示曾问细女爸爸系个点嘅人？，细女称好帅气而且非常慈爱，但一发嬲就好得人惊，对于被提到同亲生妈咪(即高贤贞)好似样嘅话题，细女又指唔好咁讲，佢系好靓嘅人，该评论家就指细女提起高贤贞时似乎有对高贤贞嘅羨慕。

该评论家称亦有小心翼翼地问到继母嘅事，高贤贞细女就表示：事实上，我对于依家仲系叫佢继母都觉得有啲抱歉，因为到依家为止都冇咁爱我嘅人。似乎与新家人都相处好好。另外，同样演出节目嘅一名记者就表示：高贤贞一对仔女都好高，外貌亦系靓仔靓女，而且大仔读书好叻，曾连续几年担任学校学生会会长，今年3月被美国康奈尔大学（Cornell University）录取。                                

有节目日前公开咗高贤贞一对仔女嘅近况

高贤贞与郑溶镇于1995年结婚，于2003年协议离婚

网上流传系高贤贞仔女嘅相