从大排档发展到今日，广州老牌粤菜馆。无论茶市定饭市出品都係地道粤菜，人气超旺。海鲜及鱼生都好出名，脆皮叉烧係炳胜招牌菜，外脆内嫩，油而不腻。
地址：天河区天河东路168号石牌酒店1-2楼(近太古汇)
广州全城首创宵夜佛跳羊餐厅，别墅做大排档，霸气十足，难怪咁受食客们欢迎。广州首创佛跳羊，你试过未？佛跳墙就听过姐，佛跳羊是乜来嘅？而且仅限晚上9:30后宵夜时段供应。食佛跳羊、佛跳墙最紧要材料靓，食得滋补健康！
地址：海珠区江南西路青柳大街60号
如果你从蒲场出嚟打车， 只要同师傅讲要去说蒲天光。地址都无需要报，基本上个个司机都识车你去。呢度基本上只做宵夜，凌晨2点后先係高潮嘅开始。特色烧排骨， 确係一流。宵夜中少见嘅fashion路线，引入河海鲜，大玩冰镇，水煮，泰汁等各式各样嘅做法，当然唔少得招牌水蛇粥啦，一晚据说可以卖成百斤！
位于江南西路紫山大街，以全市独家嘅蛇咬鸡著称。蛇咬鸡肉滑皮嫩，口感细腻，鲜美滑软，但更重要嘅係D精华汤底。环境简洁舒适，价格适中，仲经营宵夜，各种菜肴如常供应，受欢迎指数极高。
灯火通明，少有嘅天台宵夜大排档。招牌係奇味鸡，成煲鸡灵魂在于酱料，偏偏酱料配方非厨师研发，而係老板自己祖传，据说用咗成三十几种配料调制。为迎合现代年轻人口味，老板呕心沥血整咗味翡翠酸菜鱼，分量仲好大一盘！猪油捞粗面，隆重推介呢只面，不容少看嘅粗面，爽滑兼备，碱水味不重，简单而美味！
地址：海珠区南田路松漱前13号（近南田路电车总站） 
望住360度无死角嘅琶堤夜景，打超任性嘅海鲜火锅！无敌江景，尽收眼底！海鲜火锅嘅龙虾爆晒膏，肉质还超饱满！冬阴功汤底噶酸辣味将龙虾噶鲜味提升到另一个层次！炭炉羊腩煲，来自内蒙古嘅阉羔羊，几乎没有膻味肉质嫩滑，带皮羊肉食起来弹性十足！而且仲要晚上6点至凌晨2点限时供应！
地址：海珠区阅江西路磨碟沙大街118号珠江琶醍 
名气响当当嘅高档次海鲜酒家，珠江看夜景叹宵夜不二选择。各类海鲜或小炒，随意闲聊，十分写意！海鲜种类新鲜而多样多样，鲜甜嘅白灼虾，新鲜嘅鱼生，正！至于价钱方面，喺广州都算公道。
地址：广州海珠区广州大道南9号(近客村立交)
快餐式装横，但干净阔落，价格合理，服务周到。出品唔错，豉油鹅香滑可口，汁浸透喺肉丝中，齿痕留香。老火靓汤更是远近闻名，经济实惠，一煲汤起码要四五十蚊，但汤渣足料，一煲汤一家五口都饮唔晒，招牌靓汤除蝎子汤之外，仲有猪肺汤、猪骨汤、瓜干煲猪踭等。
地址：广州荔湾区坑口南围村18-19号 
临近芳村酒吧街嘅扎堆宵夜，方便客人蒲后医肚，甚至吸引咗众多外国友人帮衬。晚饭后走入陆居路，几乎成条路都係宵夜档，烧烤档、水果档、粥档、炒螺、炒粉…… 宵夜必需品可谓应有尽有！
地址：芳村地铁站B出口 
广州街坊宵夜好去处之一，艇仔粥采用古法炮制，用料十足，口感清甜绵滑。小炒口味地道，经济实惠。仲有螺肉芋头粥、炒牛河、同镬气小炒都值得一试。
地址：荔湾区珠江隧道芳村出口(近白鹅潭酒吧街) 
炭炉系列，当然首选无名炭炉鸡煲。进入恩宁路，总会见到条从旧巷排出嚟嘅人龙，人龙据称从下午五点开始形成。呢度只卖两种鸡，清远鸡同埋扇鸡，鸡都係现点现劏，所以等嘅时间长係有道理嘅，汤底係带香味嘅药材锅底。
地址：荔湾区恩宁路钟巷9号 
号称笑傲西关嘅一煲蚝仔砂锅粥，唔上火又鲜甜好味嘅砂锅粥。嘴刁挑剔嘅老广钱本来就唔易赚，仲要可以好食到晚晚都大排长龙嘅，你点可以唔试？
地址：荔湾区龙津东路713-715号(近满记)
如果你想宵夜食茶餐厅嘅话，拾陆茶记係一个唔错嘅选择！大多数茶餐厅最多都係营业到晚上10点，拾陆茶记係一个例外，营业到凌晨，可以满足到你深夜想食茶餐嘅愿望！哩度宁静、悠闲，充满着浓浓嘅人情味！榴莲鸡煲椰子鸡煲仲有各种烧烤，不可错过！
地址：荔湾区新都里北街11号(近泮塘路) 
店面一般，但D嘢确实好食。烧骨粥，大碟、够火候、又稠又香。价钱仲好公道。呢D咁地道嘅店，开一间少一间了，趁仲有得食好去试下。
维家思最深处嘅角落，地方骨致，但干净整洁。西式简餐做得几唔不错，生蚝係呢度嘅招牌，炭烧生蚝同烧烤都值得一试，係天河宵夜旺点。人多吵杂，超有大排档FEEL。价钱适中，朋友聚聚不二之选。
地址：黄埔大道西188号维家思广场首层B02铺 
食蟾蜍专门店！主打火锅，生意好到日日爆数！浓浓椰香嘅蟾蜍火锅，味道一流，性价比较，其他各种火锅料都唔错，值得一试。淇乐多喺海珠区宵夜届都算几有名气，而且营业时间到凌晨4点。环境好，装修布置都几有心思，一楼有个迷你后花园，二楼露天体验，月朗星稀的晚上坐在这里宵夜，确是别有一番广州味道。
地址：海珠区宝业路596号(近荔福路)
一间生蚝主题菜馆，大排档风味，人气旺到爆灯！呢度D生蚝有多种食法，清烧、蒜蓉烧、剁椒烧、原味烧等，蚝大而肉嫩、鲜而肥美，干净无沙，成间店弥漫酱汁嘅浓香，令人口馋。而海鲜砂锅粥同其它烧烤都係到店必点，行过路过点可以错过？
地址：天河区广州大道中天河立交底层鹰都商贸城23-27档 
宵夜想食小龙虾嘅朋友，周大龙係个唔错嘅选择！老板就叫周大龙，地道广州人，试过跑遍全国订货，试过各地嘅小龙虾，发现嚟自江苏洪泽湖嘅小龙虾是最正，以前广州做这种虾嘅店又极少。现在经营十年有极好口碑，顾客吃过翻寻味，已经成为"小龙虾之父"，佢嘅小龙虾都被称为"生态小龙虾"！
地址：天河区珠江新城兴盛路11兴盛汇2楼食D乜美食城 
任性嘅朋友，你话你中意食刺身！宵夜有冇？肯定可以满足到你！环球渔夫全球第一手货平到震惊！海鲜日日空运直达，够晒新鲜！二十多种海鲜拼盘200蚊都唔洗！！最紧要系够晒新鲜，够抵食啊！刺身够晒厚，入口啖啖肉，品种够晒多，一次过满足你二十几个愿望！
地址：天河区珠江新城兴盛路11号二层1-11至1-15铺 
这是一家镬气十足嘅大排档，招牌濑尿虾鲜甜美味，滑蛋牛肉、炒青口、蒸钳鱼等小菜都倍受欢迎。而且价钱公道，生意好到日日排号，性价比超高，如果你不介意菜式来来去去都得十几种选择，又唔介意环境卫生问题，一心想食D地道风味个话，一定要嚟试下。记得一定要点濑尿虾、咸蛋黄炒、云南小瓜，包冇介绍错。
地址：广州越秀区米市路47号泗巷内 
东华东路近东川路段一家百年老字号粤菜酒家，食客多数都係公公婆婆，颇有几分怀旧嘅情调。点心款式唔多，但胜在分量超足，味道一流，粤菜都係家常口味。价格实惠，环境麻麻。呢度饮夜茶同宵夜都係唔错嘅选择。
地址：越秀区东华东路342号(近东川路） 
唔好睇佢大排档一间，海鲜好味到你随时会飞起！呢度同样都有手臂咁粗咁大碌嘅濑尿虾，一般晚上5点半后开市，主打湛江特色烧烤，服务周到，值得一去！
地址：越秀区沿江中路379号(江湾大酒店对面) 
潮汕砂锅粥嘅代表作！蒲友蒲完就会拉大队去宵夜嘅店，晚上10点先开铺，到凌晨2点都人气爆棚！开法拉利都要去长提食嘅炭炉灵芝鸡煲，老板好巴闭，每晚就限量10煲，多一煲都唔做！另一个招牌必点嘅就係砂锅粥，师傅话：粥底喺灵魂，一定要落足功夫，劲多海味、香菇瑶柱熬制，粥水绵绸，米粒Q弹。十年来，味道从没变过，每一啖粥都甜到入心入肺！而且，免收粥底！
地址：越秀区东堤二马路2号(江湾加油站斜对面) 
坐落喺越秀公园北麓嘅一家庭院式粤菜馆，环境清幽写意，以鱼头火锅驰名，汤底香浓，有淡淡嘅中药味，鱼肉嫩滑，可谓百吃不厌。呢度仲有味清肉爽、骨酥香浓嘅太阳鸡，价格适中，呢度成日都客似云来，尤其是入夜之后，选一个风凉水冷嘅位，整返几味，佐以美酒佳酿，实在写意至极。
地址：环市中路越秀公园北门 
从太康路幸运楼对面嘅巷仔直入，一家几实惠嘅粤菜大排档。位置都比较容易揾，大众化口味，大排档格局，粤菜出品好，材料新鲜，比较适合学生或工薪一族消费嘅“饭堂”。呢度嘅宵夜超旺场，夜市下下都要摆到出路边。推荐下呢度嘅黄鳝饭，虽然非正宗做法，但味道超正，份量又足，性价爆高。
地址：越秀区泰康路沙洲巷4号(幸运楼对面)
以上30间都唔啱你心水？
或者你有更多大家未层发掘嘅
潜藏在广州小巷深处嘅美食
欢迎留言补充！！！
-END(图文来源网络，版权归原作者所有)--
‖合作联系QQ：2296224059，联系小编微信：gzcy020
↓↓↓ 点击下方广告打赏生活君不花钱
