蔡思贝及洪永城出席剧集《味想天开》煞科宴，思贝表示剧中有不少吊威吔场面，昨日就拍摄了一场水中为洪永城人工呼吸的剧情，但因他们在陆地拍摄，其后靠后期制作，思贝直言甚考想像力：“要靠幻想都几好玩，但吊威吔太多次，肩膊都有啲隐隐作痛。（咀咗几多次？）几次啰！佢搞笑话畀咗钱工作人员呀，所以有得拍几次，我萤幕初吻一早畀咗萧正楠，拍呢套《味》剧好开心，已经约咗洪永城十年后再睇番呢套剧。”
问到拍咀戏有否向排舞师男友麦秋成请示？思贝似默认对方地位：“唔使喎！呢啲系工作，大家都系专业。”她又表示之后想请一个月假期，多做运动及睇中医，答案跟洪永城一模一样，她得知后笑说：“我哋合作都觉得有‘邪’，成日都讲埋同一样嘅嘢，好多方面都几似，但有时因为坚持己见嗌交。”而提到之前饱受困扰的学历问题是否已解决？思贝说：“我一路冇理，警方冇搵过我，件事只系啲网友喺度讲，我自己知系咩情况就足够，冇谂太多。”
